Әлем чемпионатына тек жеңімпаз атану үшін келген Қазақстан құрамасы Литвадағы дүбірлі доданың 1/4 финалында Иранмен жартылай финалдық жолдаманы сарапқа салады. Ойын 27 қыркүйек күні елорда уақытымен 23:00-де басталады.
Қазақстан – Иран матчына үздік бәстер
Аталған ойында айқын фаворит жоқ. Сондықтан «Fonbet» букмекерлік кеңсесі Қазақстанның жеңісіне 2.20 коэффициент беріп тұр. Ал Иранның жеңісі 2.50 коэффициентке бағаланған. Тең нәтиже 4.50 коэффициент тағайындалған. Сонымен қатар «Fonbet» бұл кездесуде ойыншы алаңнан зембілмен кетеді дегенге 10.00 коэффициент беруде.
Ал «1xbet» букмекерлік кеңсесі Қазақстан келесі кезеңге өтеді дегенге 1.85 коэффициент беруде. Бұл көрсеткіш Иранда да 1.85 коэффициентті құрап тұр. Ойында пенальти және алаңнан қуылу болады деген 8.00 коэффициентпен бағаланған.
«Olimpbet» букмекерлік кеңсесі бірінші таймда қос құрама да гол соғады дегенге 1.7 коэффициент берген. Ал ойында Қазақстан жеңілмейді деген бәс 1.84 коэффициентпен бағалануда.
Қазақстан – Иран матчын қай телеарна көрсетеді?
Кездесуді «Qazsport» телеарнасы тікелей эфирде таратады. Тікелей көрсетілім елорда уақытымен 22:50-де басталады деп жоспарланған.
Қазақстанның жай-күйі
Қазақстан турнирді А тобында бастап, Коста-Рика (6:1) мен турнир қожайындары Литваны (3:0) жеңсе, соңғы матчта Венесуэламен тең (1:1) тарқасты. Ал 1/8 финалда Таиландты 7:0 есебімен ойсырата жеңді. Жалпы 2020 жылдан бері өткізген 12 ресми матчының ешқайсысында жеңіліс көрмеген. 11-інде асығы алшысынан түсіп, бір матч тең аяқталған. Соңғы рет ресми матчта Румынияға есе (1:3) жіберген. Ол осы Әлем чемпионатына іріктеу кезеңі аясында өткен ойын еді. Иран мен Қазақстан осыған дейін екі мәрте өзара кім мықтыны анықтаған. 2017 жылы өткен жолдастық кездесуде Иран 1:2 есебімен жеңіс тойын тойласа, 2019 жылғы жолдастық матчта да 1:2 есебімен ирандықтар басым түскен.
Иранның жай-күйі
Иран F тобында өнер көрсетіп, Сербия (3:2) мен АҚШ-ты (4:2) жеңіп, кейін Аргентинадан жеңілді (1:2). Сөйтіп алты ұпаймен топтан екінші орынмен шықты. Ал 1/8 финалда Өзбекстанды 9:8 есебімен жеңіп, Қазақстанның ширек финалдағы қарсыласы атанды.
Иран 2016 жылғы Әлем чемпионатында қола жүлдегер атанған. Сонымен қатар Азия чемпионатында 12 мәрте топ жарған азулы ұжым.
