Қарағандылық «Шахтер» ресейлік қорғаушы Кирилл Маляровпен келісім-шартқа отырды, деп хабарлайды СпортРадар.kz телеграм арнасы.
Дереккөздің хабарлауынша, «кеншілер» Премьер-лиганың өткен маусымында бес матчқа қатысып, үш гол соққан шабуылшы Идрис Умаевтың жалдау мерзімін ұзарту үшін «Ахматпен» келіссөздер жүргізіп жатыр екен.
Кирилл Маляров қорғаныстың оң қапталында өнер көрсетеді. Қажет болса, сол қапталда да ойнай алады. Еске сала кетейік, осы позицияларда ойнаған Ескендір Қыбырай мен Давид Атанаскоски жақында ғана командадан кеткен болатын.
Маляров кәсіпқой мансабын «Нижний Новгородта» бастады, одан кейін мәскеулік «Динамо», «Олимпиец», «Ротор», «Ростов» командаларында, сонымен қатар белорусиялық «Белшинада» ойнады. Қорғаушының соңғы клубы «Нижний Новгород» болды, ол ФНЛ-дің 2020/21 жылғы маусымында 34 матч өткізді.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
