30 жастағы сербиялық қақпашы Марко Милошевич өзінің Instagram парақшасында «Каспийден» кеткенін хабарлап, ақтаулық жанкүйерлермен қоштасты.
«Қоштасатын кез келді, көзді ашып-жұмғанша екі жыл өтіп кетті. Мен клубтың барлық жанкүйерлері мен қызметкерлеріне, сонымен қатар ойыншыларға алғыс айтқым келеді. Олар менің отбасымдай болды және өзімді үйдегідей сезіндім, бұл үшін сіздерге көп рахмет! Бірге өткізген барлық сәттер үшін, маған сыйлаған достық үшін айтар алғысым шексіз, мен оны ешқашан ұмытпаймын. Бірліктерің ажырамай, мықты болыңдар! Сәттілік тілеймін және жақын арада кездескенше», - деп жазды сербиялық қақпашы.
Марко Милошевич «Каспий» сапында 2020 жылдың ақпан айынан бері ойнап келеді. Барлық турнирлерде 44 матчқа қатысып, 66 гол жіберіп алды.
Бұған дейін қақпашының елордалық «Астанаға» ауысатыны жайлы хабарлаған болатынбыз.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
