«Локомотив» «Қайраттың» бұрынғы бапкерін қызметке тағайындады

Мәскеулік «Локомотив» австриялық маман Саша Мартты қақпашылар бапкері қызметіне тағайындады, деп хабарлайды клубтың баспасөз қызметі.

Март команданың негізгі қақпашыларын дайындауға жауапты болады. Бұған дейін бұл қызметті атқарған Заур Хапов селекция бөліміне ауысып, Кристиан Меккельге жаңа қақпашыларды қарастыруға көмектеседі.

Бұған дейін Саша Март алматылық «Қайратта» қақпашылар бапкері болып жұмыс істеген. Сондай-ақ австриялық «Брюк», «Рапид», «Аустрия», «Адмира», «Ред Булл Зальцбург» және голландиялық «Гронинген» клубтарында еңбек етті.

Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.