Шахматтан 2021 жылғы әлем чемпионы Бибісара Асаубаеваны марапаттау видеосы пайда болды, деп хабарлайды ҚазАқпарат.
17 жастағы қазақстандық шахматшы 30 желтоқсан күні Польшада өткен әлем чемпионатында блиц-турнирдің жеңімпазы атанды.
Ал 28 желтоқсанда дәл осы байқауда рапид бойынша Бибісара Асаубаева күміс жүлдегер атанған еді.
«Қазақстанның әнұраны. Мен блицтен әйелдер арасында чемпион атандым. Қазақстандықтар, жаңа жыл құтты болсын! Жылды дәл осылай аяқтауларыңызды тілеймін», - деп жазды Бибісара Асаубаева өзінің Instagram парақшасында
Бұл – Қазақстанның шахмат тарихындағы әлем чемпионатынан алынған алғашқы алтын жүлде. Сондай-ақ, Бибісара Асаубаева әлемдік шахмат түрлері тарихында ең жас әлем чемпионы атанды.
Бұған дейін Қазақстан Президенті Қасым-Жомарт Тоқаев Бибісара Асаубаеваны құттықтаған еді.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
