«Қайрат» футбол клубы мен Қазақстан ұлттық құрамасының ойыншысы Ян Вороговский бельгиялық «Моленбекке» ауысты, деп хабарлайды алматылықтардың ресми сайты.
Вороговский бельгиялық клубқа сатып алу құқығы бар жарты жылдық мерзімге жалға берілді.
Ян намысын қорғайтын «РВД Моленбек» 1973 жылы «Роял Расинг Уайт» және «Даринг» клубтарын біріктіру арқылы құрылды. «Моленбек» 1970 жылдары Бельгия футболы көшбасшыларының бірі болды. 1974/75 маусымда, клуб құрылғаннан бір жыл өткен соң, Бельгия чемпионы атанды. 2020/21 маусымынан бастап «Моленбек» Бельгияның екінші дәрежелі дивизионына өнер көрсетеді, қазір турнирлік кестенің 3-ші сатысына жайғасқан және Жоғары лигаға шығуға үміткер болып табылады.
Естеріңізге сала кетсек, Вороговский осыған дейін Бельгияда «Беерсхот» командасының намысын қорғаған еді.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
