Футбол. Конференция лигасы. Іріктеу кезеңі.
Қайрат – Кишварда.
Стадион: «Орталық», Алматы.
21.07.2022. 20:00 (Нұр-Сұлтан).
Біздің сайтымыздың тұрақты сарапшысы Ермұхамед Мәуленнің соңғы үш болжамы дәл келді. Шамасы танымал комментатор қазір Зоран Тошич секілді нағыз бабында жүрген сияқты. Ендеше «тепсей Асхат» деген айқайдың авторы «Тобылдың» ойынына болжам жазған екен. Оқи отырайық.
«Қайраттың» жай-күйі
Алматылық команда бапкер ауыстырып жағдайын жақсартып алды. Кирил Кекер келіп «Қайрат» кубокта 2 рет жеңіске жетті. Чемпионаттағы матчтары да жаман емес. Ендігі кезек еурокубок матчтарына келіп отыр. Қайрат Боранбаевтың да қамаудан босап шығуына аз уақыт қалды. Біртіндеп «Қайраттың» жағдайы оңалып келеді. Бірақ, Яцек Гуральский мен Рикарду Алвештің команда сапынан кеткені қиын болып тұр. Мұндай ойыншылар кез-келген командаға керек қой. Десе де, «Қайрат» олардың орнын жоқтатпайтын футболшылар табады. Академиядан өсіп шығып жатқан футболшылар өз-өздерін көрсететін кезге жетті. Оның үстіне сол жас жігіттердің қандай ойыншы екенін Кекер жақсы біледі. Себебі, өзі сол жақта бапкер болып жұмыс атқарған адам.
«Кишварданың» жай-күйі
«Кишварда» командасы әлі чемпионатта бастаған жоқ. 31 шілде күні олар «Дебрецекнмен» кездеседі. Венгрияның 1-туры басталмай жатып, команда еурокубокке қатысуға мәжбүр. Ал әзірге бұл ұжым тек жолдастық кездесулер ғана өткізіпті. Аустрияның «Адмирасын» 2:1 жеңгеннен кейін, «Дьеошдери» клубына шамасы жетпей 2:3 жеңіліпті. Бір айта кетерлігі Венгряның күміс жүлдегері ойнаған кездесулерінің барлығында гол салып келе жатыр екен.
Болжам мен бәс:
Еурокубокке қатысып көрмеген «Кишварда» «Қайраттың» алаңына келген кезде қобалжып кетері анық. Алаң иелері матчтың фавориті десек болады. «Қайраттың» жеңісі деген бәске кеңселер – 1,92 коэфицент ұсыныпты. Алуға болады деп ойлаймын.
