«Жетісу» футбол клубында жаңадан тағайындалған директор Қалмұхамет Дөңсебаевты, сондай-ақ Бірінші және Екінші лига командаларындағы жаттықтырушылардың қатысуымен жиналыс өтті.
Кездесу барысында Қалмұхамет Жағыпарұлы алдағы маусымдағы жоспарымен, клубты ұзақ мерзімді перспективаға арналған стратегиясымен таныстырды.
Клуб директорының айтуынша, «Жетісу» командасының алдына Бірінші лигадан Премьер-лигаға шығу міндеті қойылды. Сонымен қатар ол футболды дамыту бағытында жергілікті футболшыларды құрамға тарту және шетелдік легионерлер санын азайту керектігін атап өтті.
Клубтың ағымдағы маусымдағы бюджеті 800 миллион теңгені құрайды, бұл қаражат тек негізгі құрамға ғана емес, қосалқы командаға да, сондай-ақ жасөспірімдер футбол орталығына бөлінген.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
