«Зенит» бас бапкері: «Нұралы біздің құрамды күшейтіп, бәсекелестікті арттырады деп үміттенемін»

Маргулан Жакып
15.01.2022
12:03
Новость
Футбол

«Зенит» футбол клубының бас бапкері Сергей Семак баспасөз қызметіне берген сұқбатында командада қаралымда жүрген қазақстандық қорғаушы Нұралы Әліп туралы пікір білдірді.

— Жиында командамен қазақстандық қорғаушы Нұралы Әліп жұмыс істеуде. Бұл футболшыны қаралымға шақыру нұсқасы қалай пайда болды?

— Ресейлік төлқұжаты бар қорғаушылармен жағдайды жақсы білесіз — осы себепті команданы құру өте қиын, көптеген клубтар біздің чемпионатымыз үшін шетелдік болмайтын елдердің ойыншыларына назар аударады. Біз Нұралыны бақылап отырдық, енді оны жиынға шақырып, оған жеке қарауға мүмкіндік бар. Егер ол бізге сәйкес келсе, онда біз ойыншымен қарым-қатынасты одан әрі қалай дамыту керектігін білеміз. Нұсқалар бар, алайда Нұралы біздің құрамды күшейтіп, қорғаныс шебіндегі бәсекелестікті арттыратын қорғаушы болады деп үміттенемін. 

Мұндай бәсекелестіктің пайда болуы біздің жас ойыншымызға мүмкіндік береді. Егер біз Әліпті қатарға қоссақ, онда Данил Хотулев ойын тәжірибесін алу үшін жалға беріледі.

— Нұралы бойынша шешім осы жиынның қорытындысы бойынша қабылданады ма?

— Алғашқы жиында шешім қабылдау үшін уақыт жеткілікті болады деп ойлаймын. Егер қандай да бір даулы сәттер немесе позицияны қалыптастыра алмайтын себептер болса, онда келесі жиындар да қажет болуы мүмкін, бірақ біз үшін де, «Қайрат» үшін де, Нұраланың өзі үшін де бір жиын жеткілікті болуы тиіс екенін жақсы түсінеміз.

Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.

Комментарии
Нет комментариев. Будьте первым!