Әлемнің 46-ракеткасы, қазақстандық Юлия Путинцева Чарльстон (АҚШ) WTA 500 турнирінің екінші айналымына шықты, деп хабарлайды ҚазАқпарат тілшісі.
Қазақстандық теннисші бастапқы кездесуін дүниежүзілік рейтингіде 178-орында тұрған америкалық Робин Андерсонмен өткізді.
Путинцева бірінші партияда қос брейк жасап, айқын басымдылық көрсетті – 6:2.
Юлия екінші сетті де брейкпен бастады – 2:0. Дегенмен Андерсон таразы басын теңестіріп кетті – 4:4. Тартысты өткен тай-брейкте қазақстандық спортшы жеңісті жұлып алды – 7:6 (11:9).
Екі сағатқа жуық уақытқа созылған кездесу барысында Путинцева эйс жасамағанымен, 7 брейк-пойнттың төртеуін пайдаланды. Қарсыласы 2 эйс, 2 брейкпен (6 брейк-пойнт) ерекшеленді.
Путинцева екінші айналымда әлемнің 47-ші, осы доданың 15-ракеткасы, тағы бір америкалық Аманда Анисимовамен күш сынасады.
Қазақстанның бірінші, әлемнің 18-ракеткасы Елена Рыбакина турнирді екінші айналымнан бастайды. Оның қарсыласы – рейтингте 42-сатыдағы украиналық Ангелина Калинина.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
