Бразилиялық шабуылшы Вагнер Лав Данияның «Мидтьюлланн» футбол клубымен келісім-шартқа отырды, деп хабарлайды «Чемпионат» басылымы.
Келісім-шарт алты айға жасалған. 17 қаңтарда 37 жастағы бразилиялық футболшы медициналық тексерістен өтеді.
«Мидтьюлланн» 17 турдан кейін 35 ұпай жинап, Дания чемпионатында көш бастап келеді. 2020 жылы даниялық клуб өз тарихында алғаш рет Чемпиондар лигасының топтық кезеңіне шықты.
Вагнер Лав клубтағы жетінші бразилиялық болады. Мәскеулік ЦСКА-ның бұрынғы шабуылшысы соңғы бір жарым жыл бойы қазақстандық «Қайрат» сапында өнер көрсетті.
Вагнер алматылық клуб сапында 57 матч өткізіп, 27 гол соқты, 20 нәтижелі пас берді.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
