Еліміздің параспортшылары жүзуден әлем кубогына қатысып, қоржын жүлдеге толып қайтты, деп хабарлайды ҚР Ұлттық паралимпиада комитеті.
Хабарламада айтылғандай, Италияның Линьяно-Саббьядоро қаласында паражүзуден әлем кубогы өткен.
Айтулы додаға 38 елден, 300-ден астам параспортшы қатысты.
Еліміздің намысын 9 параспортшы қорғап, нәтижесінде 18 медаль қоржында.
«Қазақстандық паражүзушілер бұл жарыс жылдың алғашқы сыны. Қазір біздің спортшылар әлем чемпионтына ( 2022 жыл, маусым, Португалия) және Азия ойындары (2022 жыл, қазан, Қытай) қатысу үшін нормативтерді орындап жүр. Алдағы уақытта ірі жарыстарға қатысу үшін спортшыларымыз белсенді түрде жарыстарға қатысып, біліктілікті арттыруға күш салып жатыр», - деді еліміздің паражүзу командасының жетекшісі Татьяна Богословская.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
