Қазақстан ұлттық құрамасының ойыншысы Нұралы Әліп ресейлік «Зенит» қараламында жүргелі бері алғаш рет пікір білдіріп, клубтың баспасөз қызметіне шағын сұқбат берді.
— Нұралы, «Зениттің» оқу-жаттығу жиынынан қандай әсер алдың?
— «Зениттің» үлкен клуб екенін бәрі біледі. Еуропада өнер көрсетіп жүрген әлемге белгілі команда. Жақында «Челси», «Ювентус» және «Мальмемен» күш сынасты. Оның өзі үлкен дәреже. Жоғары деңгейлі клуб.
— Жаттығу процессі туралы ойыңыз қандай?
— Жоғарыда айтқанымдай, «Зенит» — жоғары деңгейлі клуб. Жаттығулары да қызық әрі жоғары деңгейде өтеді. Күніне екі мәрте жаттығамыз. Өмірімде мұндай жаттығу жасамағанмын. Өзіме ұнап, қызық болып жатыр.
— Командада көбіне кіммен сөйлесесіз?
— Команда жақсы күтіп алды. Бірінші күні-ақ құттықтау дәлізіннен өттім. Келген кезде Дзюба, Азмун және Оздоев жақсы қолдау көрсетті. Қазір жас жігіттермен жақсы араласамыз. Қазақстанда өскен Евгений Киммен жақсы қарым-қатынастамыз.
— Қазақстанда «Зенит» жанкүйерлері көп пе?
— Өте көп. Бізде Қазақстанда соңғы жағдайлардан кейін интернетті енді-енді қалпына келіп жатыр. Менің жанкүйерлерім, отбасым «Зениттің» инстаграмына жазылып, лайк басып, пікір қалдыруда.
— Рақмет, сәттілік тілеймін!
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.