«Манчестер Юнайтед» пен Португалия құрамасының шабуылшысы Криштиану Роналду гол саны бойынша австриялық және чехословакиялық шабуылшы Йозеф Бицанның әлемдік рекордын жаңартты.
Португалиялық футболшы Англия Премьер-лигасының 29-туры аясында «Тоттенхэм Хотспурмен» бооған ойында (3:2) хет-трик жасады. Осылайша, Роналдудың клубтық деңгейде және ұлттық құрамада соққан голдар саны 807-ге жетті. Бұған дейінгі рекорд Йозеф Бицанға тиесілі еді (805 гол). Бірақ Чехия футбол қауымдастығы Бицанның ресми кездесулерде 821 гол соққанын мәлімдеді.
Сондай-ақ Криштиану Роналду мансабындағы 59-шы хет-тригін жасады. Оның қырық тоғызы клуб деңгейінде жасалса, қалған оны ұлттық құрама сапында соғылды.
Роналду осы маусымда Англия Премьер-лигасының 24 матчына қатысып, 12 гол соқты, 3 нәтижелі пас берді.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
