Қазақстандық спортшылар Екатерина Айдова мен Надежда Морозова Херенвенде өтіп жатқан әлем чемпионатында 1500 метр қашықтық бойынша үздік ондыққа енді.
Айдова 1 минут 56,079 секунд нәтижесімен сегізінші, ал Морозова - 1 минут 57,024 секундпен - оныншы орынға ие болды. «Алтын» мәреге 1 минут 54,613 секундта жкткен норвегиялық Рагне Виклундтың еншісінде кетті. Екінші орын америкалық Бриттани Боу (+0,42 секунд), ал үшінші орын ресейлік Евгения Лаленковаға (+0,48) бұйырды.
Морозова сонымен қатар 5000 метрде 7 минут 23,599 секунд көрсеткішпен 11 орында келді. Ол жеңімпаз голландиялық Ирен Схаутеннен 35,06 секунд кешірек келді.
Ерлер арасында 1500 метр қашықтықта Демьян Гаврилов 13-боп келсе, Виталий Щиголев - 14-болып, ал Дмитрий Морозов - 16-болып мәре сызығын кесті. Аталған сайыста барлық жүлделі орындар голландиялық конькишілерде қалды: «алтын» Томаса Кролдың, «күміс» Кьелд Нейстің, «қола» Патрик Русттың мойнына тағылды.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
