Vesti.kz сайтына белгілі болғандай, «Қайрат» пен «Ақжайық» клубының экс-шабуылшысы Адеринсола Эсеола Қазақстанға қайта оралуы мүмкін.
Қолда бар ақпаратқа сәйкес, украиналық ойыншыға ҚПЛ клубтарынан ұсыныс түскен. Оның ішінде, футболшыға еурокубокке қатысатын команда ерекше қызығушылық танытуда. Эсеола бірден шешім қабылдамауды ұйғарып, ойлануға уақыт алды.
Украиналық форвард 2018-2021 жылдары ҚПЛ-да өнер көрсетті. «Ақжайық» сапында Эсеола 13 кездесуде сегіз гол соқса, «Қайрат» жейдесінде 84 матчқа қатысып, 38 гол соқты. 2018 жылғы маусымда шабуылшы 17 голмен үздік сұрмергендердің біріне айналды, ал 2019 жылы 19 голды өз атына жазып, бұл атақты «Астананың» көшбасшысы Марин Томасовпен бөлісті.
2021 жылы Эсеола украиналық «Ворскла» клубына ауысты. Бірақ желтоқсан айының соңында полтавалық клубтан кетті.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
