Польша құрамасы әлем чемпионатының соңғы іріктеу матчында Швецияны 2:0 есебімен ұтты.
Польша – Швеция – 2:0
Голдар: Роберт Левандовски 50 (пенальти), Пиотр Целински 72
«Қайраттың» 29 жастағы жартылай қорғаушысы әрі капитаны Яцек Гуральски Польша құрамасының негізгі құрамында шықты. 38-минутта сары қағаз алып, үзілістен кейін орнын Гжегож Крыховякқа босатып берді.
Айта кетейік, бұған дейін Гуральски өз ұлттық құрамасында 2020 жылдың қарашасында ғана өнер көрсеткен еді. Польша құрамасы сапында барлығы 17 кездесу өткізіп, 1 гол соққан.
Бұл жеңіс Польша құрамасына биыл қыста Катарда өтетін 2022 жылғы әлем чемпионатына шығуға мүмкіндік берді.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
