«Франциямен салыстырғанда Тәжікстан маңызды болған тәрізді». Жалмағамбетов құраманың ойындары туралы айтты

Қазақстан құрамасы жолдастық кездесуде Тәжікстанды жеңгеніне қарамастан ешкімнің Қазақстанның ойынына көңілі толған жоқ. Матчтан кейін ұлттық құраманың экс-қорғаушысы Максим Жалмағамбетов Qazsport арнасының студиясында қонақта болып, өз ойымен бөлісті. Meta-ratings.kz тілшісі студияда айтылған пікірлердің ең маңыздысын жинақтаған болатын.

Максим

– Франциядағы ойынның есебін футболшылар Тәжікстанмен кездесуде ойларынан шығарып үлгерді ме?

– Қоғамда резонанс тудырған ойынды екі күннің ішінде қалай ұмытуға болады? Ол мүмкін емес. Бұл матчқа қатысты қаншама әңгіме болды. Басшылықтан бастап, ойыншыларға дейін сынның астында қалды. Ойынның сапасына, нәтижесіне, негізгі құрамды таңдауға дейін сөз етілді.

– Ал Тәжікстанмен матч не үшін қажет болды?

– Тәжікстанмен не үшін жолдастық кездесу өткіздік? Осының себебін түсінбедім. Кез келген матчтың стратегиялық мәні болуы тиіс. Федерация басшылығы мен бас бапкер ақылдасуы керек. Жолдастық ойынды көбінесе құрамалар белгілі бір турнирге дайындық есебінде жүргізеді. Ал біз іріктеу кезеңі аяқталып, футболшылар демалысқа кеткен кезде өткізіп тұрмыз. Бұрын Орталық Азиядағы Тәжікстан, Қырғызстан секілді көршілерімізбен Әзірбайжан, Андорра, Армения секілді өзімізбен деңгейлес командалармен кездесер алдында ойнайтынбыз.

Меніңше, қатарынан 15 жеңілістен кейін құрама ойыншыларын сергітіп алу мақсатында ұйымдастырылған секілді. Сосын ФИФА рейтингінде аз да болса көтерілейік деген шығар.

Қазақстан

– Тәжікстанмен кездесуден кейін осы құраманың болашағы бар деп айта аласыз ба?

– Қазір ойнап жүрген футболшылар ­– соңғы 10-15 жылдағы жүйенің өнімдері. Тәжіктердің өзі бізден мықтырақ екенін байқатты. Әйтеуір, 15 матчқа созылған жеңіссіз серия үзілді. Соған ғана қуанамыз. Басқа позитив көріп тұрған жоқпын. Жалпы бұл құрамадан ешқандай болашақ көріп тұрған жоқпын.

Өз алаңымызда допқа иелік етуден де кемшін түстік. Қарсылас 52 пайыз допқа иелік етіпті. 90 минут бойы қақпаға жалғыз тура соққы жасағанбыз. Оның өзі қарсыластың қақпашысының қателігінен кейін. Голдан басқа барлық статистикалық көрсеткіштер бойынша тәжіктер бізден үздік болды.

– Жолдастық кездесуде негізінен қандай ойыншылар ойнағаны дұрыс?

– Осындай жолдастық матчта көбіне қосалқы құрамдарға, жас фтуболшыларға мүмкіндік беріп жатады. Біз тек Әлібек Қасым мен Сұлтанбек Астанов үшін ғана Тәжікстанмен жолдастық кездесу ұйымдастырған сияқтымыз. Бас бапкер келесі іріктеу кезеңінде кімдерге сенім артқысы келеді, сондай ойыншыларды сынақтан өткізу керек қой. Құрамада Малый, Марочкин, Тағыберген, Логвиненко, Щеткин секілді ардагер ойыншылар жүр. Олар бір циклден кейін ойнамайтыны анық. Қазір 17, 19,21 жас секілді жастағы құрамалардың барлығында Еуропа чемпионатының іріктеу кезеңінде соңғы орында жүрміз. Бұл ойыншылар алдағы кемі 4-5 жылда ұлттық құрамада ойнайтындар.

Малый

– Францияға ойынға шықпаған футболшылар жолдастық кездесуде бой көрсетті...

– Иә, Логвиненко, Тағыберген, Қасым, Дарабаев, Малый секілді футболшыларды астанада қалдырып кетті. Бас бапкер жарақаты болғандықтан қатыса алмады деп айтты. Бірақ екі күннің ішінде жазылып кеткендеріне күмәнім бар. Егер Франциямен ойнаса, Тәжікстанға қарсы да олар шыға алар еді. Өйткені осындай стратегия болған. Яғни Франциямен әлем чемпионатының іріктеу кезеңінде ойын емес, Тәжікстанмен жолдастық кездесуге басымдық берген.

– Егер негізгі құрамды апарғанда да ұтылар едік қой. Бізге 0:4 немесе 0:8 есебімен жеңілудің қандай маңызы бар?

– Бұл сұраққа Франция құрамасының бас бапкері Дидье Дешам лайықты жауап берді деп ойлаймын. Ол қарсыласқа құрмет көрсеткенін жеткізді. Франция 90 минут бойы бар күштерін салды. Әйтпесе,  1-2 гол салып, алаңда мазақ қылып жүруілеріне де болар еді ғой.

Абат

– Франциямен кездесуге шыққан құрам жайлы не айтасыз?

– Әліп, Марочкин, Ерланов үштігі ешқашан бірге негізгі құрамда шыққан емес. Сосын шабуыл шебіндегі Абат Айымбетов ұзақ уақыт жарақатына байланысты лазеретте болған. Тек Франциямен кездесу алдында «Қайратпен» кубоктағы матчта алаңда өнер көрсетті. Соған қарамастан Парижде бірінші минуттан бастап ойынға қосып жібереді.

Максим

– 2007 жылы Тәжікстанмен кездесуде алаңға шығыпсыз. Ол кезбен салыстырғанда айырмашылық бар ма?

– Ол уақытпен салыстырған Тәжікстан құрамасының деңгейі өскені байқалып тұр. Екеуі екі команда. Қорғанысқа жатып алу жоқ. Біздің айып алаңымызда бес ойыншы жүрді. Өкшемен де беріп жатты. Біздің қапталдағы ойыншыларды оп-оңай өтіп кетіп жатты. Ал Қазақстанда ондай жүйелі шабуыл болған жоқ.

– Қазақстан құрамасының бұдан жақсы ойнауға мүмкіндігі бар ма?

– Әрине, бар. Қалай жоқ деп айтасың? Ол үшін ойыншылар басқа чемпионаттарға бару керек. Әйтпесе, жылдан-жылға құраманың деңгейі құлдырап барады.

Рейтинг:
0
Комментарии
Нет комментариев. Будьте первым!
Матч-центр
20:45
Футбол
Лига Чемпионов
ФК Зенит
-:-
Челси
ФК Зенит — Челси
20:45
Футбол
Лига Чемпионов
Ювентус
-:-
Мальме
Ювентус — Мальме
23:00
Футбол
Лига Чемпионов
Бавария Мюнхен
-:-
Барселона
Бавария Мюнхен — Барселона
23:00
Футбол
Лига Чемпионов
Манчестер Юнайтед
-:-
Янг Бойз
Манчестер Юнайтед — Янг Бойз
23:00
Футбол
Лига Чемпионов
Ред Булл Зальцбург
-:-
Севилья
Ред Булл Зальцбург — Севилья
23:00
Футбол
Лига Чемпионов
Аталанта
-:-
Вильярреал
Аталанта — Вильярреал
23:00
Футбол
Лига Чемпионов
Бенфика
-:-
Динамо Киев
Бенфика — Динамо Киев
23:00
Футбол
Лига Чемпионов
Вольфсбург
-:-
Лилль
Вольфсбург — Лилль

Статьи по теме