Выбор пользователей

«Ат айналып қазығын табар». Алып денелі Траоре «Барселонаға» қайта оралды

«Вулверхэмптонның» шабуылшысы Адама Траоре «Барселонаға» қайта оралды. Осы ретте Meta-ratings.kzтілшісі футболшының мансабына көз жүгіртіп өтуді жөн көрді.

Траоре

«Тоттенхэм Хотспур» Адама Траорені алу үшін «Вулверхэмптонмен» келіссөздер жүргізіп жатқанда, «Барселона» араға түсіп, лондондық клубтың алдын орап кетті.

Траоре көптеген ойыншылардың арасында үш қасиетімен, атап айтсақ, жылдамдық, дриблинг және үлкен бұлшықеттерімен ерекшеленеді. Бала кезінде оған америкалық футболмен айналысу туралы ұсыныс түскен, бірақ Траоре еуропалық нұсқаны таңдады.

Бірақ Адаманың футболдағы статистикасы керемет емес. Ол осы уақытқа дейін бір маусымда 10 голдан артық соқпаған, ал бұл маусымда небәрі бір голмен көзге түсті. Осыған қарамастан, ол нарықта сұранысқа ие ойыншы болып қала берді: «Тоттенхэм» ол үшін 15 миллион фунт төлеуге дайын болды, бірақ «қасқырлар» қосымша 5 миллион фунт сұрады. Клубтар ортақ мәмілеге келуге тырысып жатқанда, «Барселона» 30 миллион еуроға сатып алу мүмкіндігімен маусымның соңына дейін жалға алу туралы ұсыныс тастады. Нәтижесінде, Траоре каталониялық клубқа қосылды.

Траоре

«Мен қайта оралдым. Қазір ең бастысы бапкермен сөйлесіп, оның менен не қалайтынын білу. Мен барымды саламын. Бойымдағы мықты қасиеттерден айырылған жоқпын, бірақ мен ойыншы ретінде өстім. Мені академияда көргендер қалай ойнайтынымды біледі. Мен бар күшімді салуға тырысамын. Менің мақсатым - жұмыс істеп, күн сайын прогресс жасау. Көп жеңіске жеткен, аңызға айналған керемет бапкерден сабақ аламын деген үміттемін. «Барселонаның» маған артқан сенімі үшін алғыс білдіргім келеді және бұл сенімді алаңда ойыныммен ақтағым келеді», - деді Траоре.

Траоре

Траоре - «Барселонаның» түлегі. Ол бала кезінле каталондық клубтың академиясында тәлім алған. Ал 17 жасында негізгі командадағы дебютін жасады. Алайда жас футболшы сол кезде жарқырап тұрған Неймар-Месси-Суарес триосымен бәсекелесе алмады. Бірақ «Барселона» жейдесінде төрт матчқа қатысып, бір гол соқты.

Траоренің Англиядағы мансабы сәтсіз басталды

Адама Англияға алғаш рет 19 жасында қоныс аударды. Нақтырақ айтсақ, «Астон Вилла» командасына ауысты. 2015/2016 жылғы маусымда Траоре Премьер-Лиганың 10 матчына қатысып, екі нәтижелі пас берді. Бірақ «Вилла» Чемпионшипке түсіп қалды, ал Траоре «Мидлсброға» аттанды. Футболшы тағы да сәтсіздік ұшырап, лигадағы 27 матчта нәтижелі іс-әрекетпен көзге түсе алмады.

Адама Траоре

«Мидлсбро» да АПЛ-ден ұшып кетті, бірақ ойыншыны сақтап қалды. Ал Траоре Чемпионшипте бес гол соғып, 10 мәрте әріптестерінің гол салуына мүмкіндік жасады. 2017/2018 жылғы маусымда «Мидлсбро» бесінші орынға ие болып, Премьер-лигаға шығу құқығы үшін плей-офф кезеңіне өтті, бірақ ол жерде «Астон Вилладан» жеңілді. Сол маусымдағы Чемпионшип жеңімпазы «Вулверхэмптон» Адама үшін 18 миллион фунт стерлинг төледі, бұл сол кездегі клубтың рекордтық трансфері ретінде тіркелді.

Премьер-лигаға оралғаннан кейін «Вулверхэмптон» сенсация жасап, жетінші орынға көтерілді. Бірақ Траоренің статистикасы тағы да көңіл көншітпеді. 29 матчта бір ғана гол соғып, бір нәтижелі пас берді.

Траоре

Траоре денесін қалай шынықтырады?

Траоренің сыртқы келбеті үш нәрсеге байланысты болды: генетика, диета және жаттығуға деген ерекше көзқарас. Бала кезінен ол өзінің жылдамдығымен ерекшеленді, бұл америкалық футболдағы скауттардың назарын аударды. Бірақ Траоре өмірін Еуропа футболымен байланыстырды.

Траоренің «Барселона» академиясында, одан кейін «Мидлсбро» мен «Вулверхэмптондағы» дене пішініне қарасаңыз, екі түрлі адамды көресіз. Бір қызығы, Траоре жаттығу залында зілтемір немесе кір тастарын көтермейді екен. «Егер мен темірмен жұмыс істесем, бұлшықеттерім бұдан да үлкен болады», - деді Адама сұхбаттарының бірінде.

Траоре

Көбінесе салмақ қосқан кезде ойыншылар жылдамдығын жоғалта бастайды. Бірақ диетолог пен жеке жаттықтырушының арқасында Траоре бұл мәселеден аулақ болды. Жаттығуда темірге емес, кардио жаттығуларға баса назар аударылды. Көбіне балық, майсыз ет және көкөністерді пайдаланды.

Дайындық пен дұрыс жаттығулар Траоренің жарақат алмауына көмектесті. Оның жылдамдығы да төмендеген жоқ, Адама бұл көрсеткіш бойынша үнемі үздік ойыншылардың қатарында жүрді. Футболшының әрекеті де баяуламады. 2019/2020 жылғы маусымда Траоре қарсылас қақпасына 183 рет дәл соққы жасап, Эден Азардың рекордын жаңартты (180).

Траорені ереже бұзбай тоқтату өте қиын. Қарсыластар оған қарсы тұру үшін әртүрлі әдістерді қолданды. Әсіресе жейдеден тартты, сондай-ақ қол мен иықтан ұстау арқылы тоқтатып жүрді. Осыған байланысты Траоре қиындықтарға тап болды. Бұл тығырықтан шығу үшін «Вулверхэмптон» Траоренің қолына нәрестеге арналған майды жағу туралы шешім қабылдады.

Адама Траоре

«Алғаш рет қолыма осы майды жаққанда, бұл күлкілі болып көрінді, бірақ мені ешкім ұстай алмады. Содан кейін адамдар менен бұлай жасауымның себебін сұрады, мен оларға мұның жауабын өзім де білмеймін деп жауап бердім», - деді испаниялық футболшы.

Ол 2019/2020 жылы мансабындағы ең керемет маусымын өткізді

«Вулверхэмптон» Премьер-лигадағы екінші маусымында да сәтті өнер көрсетті: клуб 2019/2020 жылғы маусымды тағы жетінші орында аяқтады. Ал Адама Траоре Премьер-лиганың 37 матчында төрт гол соғып, тоғыз нәтижелі пас берді.

Бірақ 2020/2021 жылғы маусымда Траоре ғана емес, «Вулверхэмптон» да кері кетті. Қараша айында команда Рауль Хименестің ауыр жарақатынан кейін әлсіреп қалды. Онымен дуэт құрған Траоренің де статистикасы күрт нашарлады: Адама Премьер-лиганың алғашқы 16 турында тиімді әрекеттерімен көзге түсе алмады. Өткен маусымда испаниялық шабуылшы Премьер-лигада 37 ойынға қатысып, небәрі екі гол соқты, үш нәтижелі пас берді. «Вулверхэмптон» маусымды 13-ші орында аяқтады, ал Нуну Эшпириту Санту клубтан кетті. Оның орнына португалиялық маман Бруно Лаже келді. Бұл маманның басшылығымен 26 жастағы ойыншы бір гол соқты.

Траоре

Адама дриблинг жасаудың хас шебері

Траоре - соңғы 3,5 жылда Ағылшын Премьер-лигасындағы ең көп дриблинг жасаған ойыншы. Футболшы 2018 жылдың жазынан бері қарсыластарын алдап өту үшін 697 рет дриблинг жасаған, ал оның 484-і (69%) сәтті болды.

«Тоттенхэмнің» бас бапкері Антонио Конте осындай ойыншыны қапталдағы қорғаушы ретінде ойнатқысы келді. Ал «Барселона» Траореге арнап шабуыл шебін босатып қойды. Ансу Фати жарақат алып, екі-үш айға қатардан шығып қалды. Ал тәжірибесіз Абде Эззалзули мен Ферран Жутгла Адамаға бәсекелес бола алмайды. Ал оң қанатта тек Ферран Торрес пен Усман Дембеле бар. Оның үстіне, Дембеле жақында командадан кетуі мүмкін.

Траоре «Барселона» жүйесін жақсы біледі, өйткені ол осы клубтың түлегі. Сондықтан командаға және жаттықтырушының талаптарына бейімделу жағынан мәселе туындамауы керек.

Комментарии
Нет комментариев. Будьте первым!
Матч-центр
Live
Футбол
Китай Суперлига
Шаньдун Тайшань
3:0
Чанчунь Ятай
Шаньдун Тайшань — Чанчунь Ятай
22:00
Футбол
Бразилия Чемпионат Бразилии
Ботафого РЖ
-:-
Сан-Паулу
Ботафого РЖ — Сан-Паулу
Live
Футбол
Клубные товарищеские матчи
Хаккен
0:0
Хальмстад
Хаккен — Хальмстад
Live
Футбол
Клубные товарищеские матчи
Варбергс БолС
1:0
Норрбю Бурос
Варбергс БолС — Норрбю Бурос
18:00
Футбол
Клубные товарищеские матчи
Форвартс
-:-
Калмар
Форвартс — Калмар

Статьи по теме

На данном сайте используются файлы cookie

Это обеспечивает клиентам персонализированный доступ и повышает результативность от посещения ресурса, позволяя нам наиболее эффективно оказывать услуги. Пользуясь веб-сайтом и принимаяусловия настоящей политики, вы даете согласие на использование файлов cookie в соответствии с условиями настоящей политики.