5 сағатқа созылған жиналыс, бапкерге төленген өтемақы. Сульшер «Манчестер Юнайтедтен» қалай кетті?

Оле Гуннар Сульшер енді «Манчестер Юнайтедтің» жаттықтырушысы емес. Клуб жанкүйерлері бұл жаңалықты көп күтті, бірақ тойлай алмады, себебі басшылық оның орнын басатын жөні дұрыс бапкер таба алмауда. Осы ретте Meta-ratings.kz тілшісі норвегиялық маманның командадан қалай кеткені жайлы және оның клубтағы статистикасы туралы сөз қозғамақ.

Сульшер

«Манчестер Юнайтедтің» сәтсіз сериясын «Уотфорд» жалғастырды

«Манчестер Юнайтед» турнирлік кестеде 17-орынға табан тіреген клубтан оңбай жеңілді. Бұл бас бапкер Оле Гуннар Сульшерді жұмыстан шығаруға таптырмас себеп болды. Шындығында, бұл мәселе соңғы екі ай бойы талқыланып келді. «Манчестер Юнайтед» осы уақыт аралығында 14 кездесу өткізіп, оның жартысында жеңілді. Чемпиондар лигасындағы «Аталанта» мен «Вильярреалға» қарсы матчтарда Криштиану Роналдудың көзсіз батырлығы мен сәттіліктің арқасында ғана оңтайлы нәтиже тіркеді. «Ливерпуль» мен «Манчестер Ситиден» ұтылды. Соңғы бес матчтың төртеуінде жеңіліп, қақпасына 15 гол енгізіп алды.

«Уотфордқа»  қарсы матчтан кейін не болды?

Оле Гуннар Сульшер командасымен бірге жанкүйерлерге жақындап, жеңіліс үшін кешірім сұрады, бірақ жанкүйерлер бапкерге пысқырып та қараған жоқ. Әлеуметтік желілерде «бұл жолы бапкер міндетті түрде жұмыстан босатылады» деген қауесет тарады. Осы тұста «халық айтса, қалт айтпайды» деген мақал рас боп шықты.

МЮ

Ойыншылар да оның жұмыстан кететінін түсінгендей болды. Manchester Evening News порталы хабарлағандай, матчтан кейін киім ауыстыратын бөлмеде кейбір ойыншылар мен қызметкерлер көз жасына ерік берген екен.

Дәл осы уақытта клуб басшылығы бейнеқоңырау арқылы «Манчестер Юнайтедтің» болашағын талқылап жатқан еді, Sky Sports басылымының хабарлауынша, олар бірден бапкерді жұмыстан шығару туралы шешімге келе алмаған. Алайда, бір-екі сағаттың ішінде «Юнайтедтің» басқарушы директоры Ричард Арнольдқа Оле Гуннармен келісім-шартты бұзу туралы бұйрық берілді.

21 қарашада қандай жағдай орын алды?

21 қараша күні таңертең Сульшердің отставкаға кетуін «Манчестер Юнайтедтің» қожайыны Джоэл Глейзер мақұлдады. Ол Глейзерлер жанұясындағы алты ағайындының ішінде ең негізгі адам болып саналады.

Сульшер

Осыдан кейін ресми ақпараттар жарық көрді: клуб ресми сайтында Сульшерге жасаған жұмысы үшін алғыс білдіретін хабарлады. Келісім-шарт қос тараптың келісімі бойынша бұзылды деген де ақпарат жарияланды, бірақ The Times порталы Оле Гуннарға өтемақы ретінде 7,5 миллион фунт стерлинг төленетінін мәлімдеді.

«Оле мәңгі МЮ аңызы болып қала береді және біз өкінішке орай, осындай қиын шешім қабылдадық. Соңғы апталардағы нәтиже көңіл көншітпесе де, бұл оның ұзақ мерзімге арналған жетістіктің негізін қалау үшін соңғы үш жылда жасаған барлық жұмыстарына көлеңке түсірмеуі керек. Оле клубтан кетіп барады, бірақ біз оның жаттықтырушы ретінде бар күшін салғанына шын жүректен ризамыз және оған болашақта бар жақсылықты тілейміз. Ол тек футболшы ретінде көптеген жетістіктерге жеткені үшін ғана емес, сонымен қатар бізге көптеген тамаша эмоциялар сыйлаған тамаша тұлға және бапкер болғандықтан оның есімі клуб тарихында алтын әріптермен жазылады. Оны «Манчестер Юнайтед» отбасының мүшесі ретінде «Олд Траффордта» әрқашан қуанышпен қарсы аламыз», - делінген клубтың хабарламасында.

Алдағы матчтарға команданы кім дайындайды?

Алдағы уақытта «Манчестер Юнайтедтің» бас бапкері міндетін Сульшердің көмекшісі және клубтың бұрынғы ойыншысы Майкл Кэррик атқаратын болады. Дегенмен, «Манчестер Юнайтед» басшылығы клубпен осы маусымның соңына дейін жұмыс істейтін тәжірибелі жаттықтырушы табуды жоспарлап отыр.

Кэррик

Кэрриктен кейін команданы кім тізгіндемек?

Инсайдерлер «Манчестер Юнайтедтің» бас бапкері қызметіне басты үміткерлер ретінде Маурисио Почеттино, Брендан Роджерс, Хулен Лопетеги және Зинедин Зиданның қарастырылатынын жарыса жазды. Осы төртеуінің ішінде тек Зидан ғана жұмыссыз жүр. Бірақ ол Англияға қоныс аудармайтынын ашық айтты. Ол ағылшын тілін білмегендіктен және әйелінің Манчестерде тұрғысы келмеуіне байланысты «қызыл сойқандардың» ұсынысынан бас тартты.

Зидан

«Манчестер Юнайтед» осы маусымның соңына дейін ғана жұмыс істеп беретін бапкерлерді іздестіріп жатқандықтан, көбінесе бос жүрген жаттықтырушыларға көз тігеді. Қазіргі уақытта Эрнесто Вальверде, Кике Сетьен, Фрэнк Лэмпард, Андреа Пирло, Люсьен Фавр, Йоахим Лёв, Франк де Бур, Дженнаро Гаттузо, Пауло Фонсека, Руди Гарсия, Марк Хьюз, Андре Виллаш-Боаш, Доменико Тедеско секілді мамандар жұмыссыз жүр.

Дегенмен, қазіргі уақытта «Манчестер Юнайтед» мүлдем басқа нұсқаны қарастырып жатыр. Олар катарлық «Аль-Райянның» бас бапкері Лоран Бланды шақырғысы келеді.

Сандар сөйлесін...

Енді норвегиялық маманның «Манчестер Юнайтедтегі» нәтижелерін сандармен қорытындылайық.

·     Сульшер «Манчестер Юнайтедтің» бас бапері ретінде 1068 күн жұмыс істеді. Оның жетекшілігімен «қызыл сойқандар» 168 кездесу өткізген: 92 жеңіс, 35 тең ойын және 41 жеңіліс.

·     Оле Гуннар Сульшердің клубтағы жұмысы екі кезеңге бөлінді. Біріншісі – ол 99 күн бойы бас бапкердің міндетін атқарушы болып жұмыс істеді. Екіншісі – толыққанды бас бапкер ретінде 969 күн бойы еңбек етті.

·     Сульшердің кезінде манчестерлік клуб 323 гол соғып, 198 гол жіберіп алды.

·     Сульшердің «Манчестер Юнайтедтегі» ең ірі жеңісі – 9:0 (2021 жылдың ақпанында «Саутгемптонға» қарсы). Ал ең ірі жеңіліс - 1:6 (2020 жылдың қазанында «Тоттенхэмге» қарсы).

МЮ

·     Норвегиялық маман «Манчестер Юнайтедке» трофей сыйлай алмады. Бір ғана нақты талпыныс болды. Команда өткен маусымда Еуропа лигасының финалына дейін жетіп, «Вильярреалға» пенальти сериясында жол берді - 11:10.

·     Сульшер клубтың жүлдесіз сериясын 4 жылға дейін ұзартты. Дәлірек айтқанда, 1638 күн.

·     Оле Гуннардың басшылығымен «Манчестер Юнайтедтің» 16 ойыншысы Премьер-лигада дебют жасады.

·     Сульшердің кезінде «Манчестер Юнайтедте» ең көп ойнаған футболшы - Маркус Рэшфорд. Ол барлық турнирлерде 135 кездесуге қатысқан.

Рэшфорд

·     Норвегиялық тәлімгер «Манчестер Юнайтедпен» Премьер-лиганың 127 ойынында 209 ұпай жинады. Бұл жалпы нәтиженің 54,85 пайызын құрайды.

·     «Манчестер Юнайтед» өз алаңында қатарынан 15 ойында гол жіберіп алды. Клуб тарихындағы антирекорд 1958-1959 жылдар аралығында орнаған (21 ойын).

·     Қазан айында «Ливерпуль» «Манчестер Юнайтедті» «Олд Траффордта» 5:0 есебімен жеңді. Манкуниандық клуб Премьер-лигадағы ойынның бірінші таймында алғаш рет 4 гол жіберіп алды.

·     Сульшердің кезінде «Манчестер Юнайтед» трансферлерге 458,6 миллион еуро жұмсады. Осы уақыт ішінде Премьер-лиганың бірде-бір клубы мұншалықты көп ақша жұмсамаған. Ең қымбат трансфер ретінде Гарри Магуайр (87 миллион еуро) тіркелді.

Магуайр

·     «Манчестер Юнайтед» өз ойыншыларын сату арқылы 138 миллион еуро пайда көрді. Ең қымбат трансфері - Ромелу Лукаку (74 миллион еуро).

·     Сульшердің жетекшілігімен «Манчестер Юнайтед» Премьер-лига аясында өз алаңындағы ойындарында жіберіп алған голдар саны бойынша антирекорд орнатты. Клуб өткен маусымда 27 гол өткізіп алды.

·     Оле Гуннар Сульшер Алекс Фергюсон кеткеннен кейінгі «Манчестер Юнайтедті» баптаған бесінші жаттықтырушы болды: Дэвид Мойес, Райан Гиггз, Луи ван Гал, Жозе Моуриньо және Сульшер.

Рейтинг:
0
Комментарии
Нет комментариев. Будьте первым!
Матч-центр
20:45
Футбол
Лига Чемпионов
ФК Зенит
-:-
Челси
ФК Зенит — Челси
20:45
Футбол
Лига Чемпионов
Ювентус
-:-
Мальме
Ювентус — Мальме
23:00
Футбол
Лига Чемпионов
Бавария Мюнхен
-:-
Барселона
Бавария Мюнхен — Барселона
23:00
Футбол
Лига Чемпионов
Манчестер Юнайтед
-:-
Янг Бойз
Манчестер Юнайтед — Янг Бойз
23:00
Футбол
Лига Чемпионов
Ред Булл Зальцбург
-:-
Севилья
Ред Булл Зальцбург — Севилья
23:00
Футбол
Лига Чемпионов
Аталанта
-:-
Вильярреал
Аталанта — Вильярреал
23:00
Футбол
Лига Чемпионов
Бенфика
-:-
Динамо Киев
Бенфика — Динамо Киев
23:00
Футбол
Лига Чемпионов
Вольфсбург
-:-
Лилль
Вольфсбург — Лилль

Статьи по теме