Жамбыл Көкеев «Тараз» футбол клубында қаралымнан өтуде, деп хабарлайды vesti.kz порталы.
Футболшы былтырғы маусым соңында «Ақтөбеден» кеткен болатын. Батыс өңірінде ол үш маусым бойы доп тепкен. Одан бұрын «Қайсар», «Қайрат», «Шахтер», «Локомотив», «Жеңіс», «Алма-Ата» және «Цесна» футбол клубтарында ойнаған.
Қазақстан Премьер Лигасында 263 матч өткізіп 35 гол соққан. Ел чемпионатының бірнеше дүркін чемпионы атанған. Жанкүйерлерге Жамбыл 2008 жылы әйгілі «Уэмбли» стадионында Англия қақпасына соққан голы арқылы танымал.
Сонымен қатар 32 жасар жартылай қорғаушы ұлттық құрама сапында алаңға шыққан ең жас ойыншы ретінде тарихта қалды. Ол өзінің ұлттық құрама сапындағы дебюттік матчын туылғанына 17 жыл төрт ай 25 күн толған күні ойнаған.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
