Ұлттық теннис орталығында Билли Джин Кинг кубогының іріктеу кезеңінде Қазақстан – Германия матчы басталды.
Алдымен кортқа Юлия Путинцева мен Анжелика Кербер шықты.
Әлемнің бұрынғы бірінші ракеткасы, «Үлкен дулыға» турнирінің үш мәрте жеңімпазы Кербер қазіргі кезде 17-орында болса, Путинцева 52-сатыда еді.
Бұған дейін германиялық теннисші Юлияны екі рет ұтқан еді.
Бірінші партияны қарсыластар брейк алмасумен бастады. Содан кейін Кербер қарқынды ойнап, есепті 5:1-ге жеткізді. Путинцева брейк жасағанымен, одан әріге шамасы жетпеді – 3:6. Есесіне екінші сетте есеп 1:1 болған мезетте Юлия брейк жасай білді. Тағы бір брейкпен өзінің геймін де алды – 5:1. Бұдан соң Анжелика есепті қысқартқанымен, қазақстандық теннисші сетті тағы бір брейкпен тәмамдады – 6:3. Үшінші, шешуші сетте Путинцева 3:0 есебімен алға кетті. Сосын матчты тағы бір брейкпен бітірді – 6:2.
Тартысты өткен бәсеке барысында Юлия, әсіресе, қысқа соққылармен қарсыласын қапы қалдырып отырды.
Осылайша Қазақстан 1:0 есебімен алға шықты.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
