Халықаралық футбол федерациясы (ФИФА) ресми сайтында ұлттық құрамалардың бас бапкерлері мен капитандарының 2021 жылғы үздік футболшыны анықтаудағы дауыс беру қорытындыларын жариялады.
The Best жүлдесін 48 ұпай жинаған Роберт Левандовски алды. «Бавария» шабуылшысы Лионель Месси (ПСЖ) мен Мохаммед Салахты («Ливерпуль») артқа тастады.
Қазақстан құраманың бас бапкері Талғат Байсуфинов Салахты бірінші орынға жайғастырса, Месси (ПСЖ) мен Кевин де Брюйнені («Манчестер Сити»), тиісінше, екінші және үшінші орынға қойған.
Ал құраманың капитаны Азат Нұрғалиев екінші және үшінші орынды Карим Бензема («Реал») мен Криштиану Роналдуға («Манчестер Юнайтед») берсе, үздік деп Роберт Левандовскийді таныпты.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
