«Ақтөбе» Қазақстан құрамасының қақпашысы Покатиловқа келісім-шарт ұсынды. Инсайдер Айдын Қожахметтің мәліметінше, «Қайрат» қақпашысы Владимир Мухановтың командасына қосылу үшін келісімге қол қойса жеткілікті.
Стас 2015 жылы «Ақтөбеде» ойнап, Ресей чемпионатына шақырту алды. Ал соңғы алты маусымды «Қайрат» сапында өткізді.
Сондай-ақ «Ақтөбе» командасының оқу-жаттығу жиынына тәжірибелі сербиялық қақпашы Саша Стаменкович қатысуда.
Естеріңізде болса, бұған дейін Покатиловтің Виталий Кафанов жаттықтыратын «Ростовқа» ауысуы мұмкін екені хабарланған болатын. Ресейлік маман кезінде Стаспен «Ростов» пен Қазақстан құрамасында бірге жұмыс істеген.
«Ақтөбе» өз кезегінде өткен маусымдағы қақпашыларды керек қылмады. Келісім-шарт мерзімінің аяқталуына байланысты командадан Жасур Нарзиқұлов пен Сергей Ревякин кетті.
Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.
