«Қайсардың» қаралымына «Спартактың» шабуылшысы келді

Қызылордалық «Қайсар» клубының Түркиядағы оқу-жаттығу жиынына Стефан Денкович келіп қосылды, деп хабарлайды клубтың баспасөз қызметі.

Суботицалық «Спартак» клубының черногориялық шабуылшысы бүгін таңда «Қайсардың» жаттығуына қатысты. Стефан «Црвена Звезда» футбол мектебінің түлегі. Еуропалық бірнеше клубта доп тепкен. Атап айтсақ, израильдік «Хапоэль Хайфа», сербиялық «Войводина» және черногориялық «Сутьеска» сынды тағы да басқа клубтарда өнер көрсеткен. Қазіргі таңда «Қайсардың» сапына қосылу үшін қаралымнан өтуде.

29 жасар форвард «Спартак» сапында 54 ойын өткізіп, 20 мәрте қақпа торын тулатқан.

Читайте Metaratings, чтобы быть в курсе свежих новостей казахстанского и мирового спорта, эксклюзивных инсайдов и экспертных мнений.