Арабтардың келуімен «Ньюкасл Юнайтедте» қандай өзгерістер болады?

Футбол әлемінде тағы бір бай клуб пайда болды. «Ньюкасл Юнайтед» клубын Сауд Арабиясының Мемлекеттік инвестициялық фонды сатып алды. Осы ретте Meta-ratings.kz тілшісі англиялық клубта болатын өзгерістер жайлы сөз қозғамақ.

Ньюкасл

«Ньюкасл» жанкүйерлерінің көптен күткен арманы орындалды. Клубты он төрт жыл бойы тізгіндеген Майк Эшли 350 миллион еуроны қалтасына салып, футбол әлемінен кетті. Ал англиялық клубты Сауд Арабиясының мұрагер ханзадасы Мұхаммед ибн Салман жетекшілік ететін компания сатып алды. Оның қаржылық жағдайы 320 миллиард еуроны құрайды. Бұл ең бай деген «Манчестер Сити» қаржысынан 20 есе, ал ПСЖ қаржысынан 40 есеге көп. Енді «Ньюкаслдың» қандай клубқа айналғанын елестете беріңіз...

Ибн Салман

Ашуға булыққан АПЛ клубтары Сауд Арабиясы инвесторларының «Ньюкаслды» сатып алуына байланысты шұғыл түрде жиналыс өткізуді талап етті. Қалған 19 команданың барлығы Премьер-лига клубының Арабияның қол астына өткеніне қарсылығын білдірді. Олар жиналыс жасау арқылы келісімді бұза алмайды. Дегенмен, бұл жағдайға қатысты өз талаптарын қоюды жоспарлап отыр.

Клуб бірінші кезекте бас бапкер мәселесін шешуі керек

Арабтардың келуімен «Ньюкаслдың» бас бапкері Стив Брюстің қызметінен кететіні туралы ақпараттар пайда болды. 60 жастағы англиялық маман өзінің кететінін іштей сезген секілді.

«Футболда әртүрлі өзгерістер болып жатады. Әрі барлығы қас пен көздің арасында өзгереді. Бұл мен үшін өте қиын апта болды. Бірақ бұл клуб үшін өте жақсы жаңалық болып саналады. Мен жаңа басшылармен кездестім. Олар жылы жүзді адамдар екен. Бірақ менің болашағым туралы сөз қозғамады. Мен жұмысымды жалғастырып, басшылыққа қолымнан не келетінін көрсеткім келеді. Бірақ шындыққа тура көзбен қарауымыз керек: олар жаңа бапкер шақырады. Әдетте басшылар ауысқан кезде мұндай жағдайлар жиі болады», - деді бас бапкер.

Стив Брюс

«Ньюкасл» Премьер-лиганың сегізінші турында «Тоттенхэмнен» 2:3 есебімен жеңіліп қалды. Стив Брюс үшін бұл бапкерлік мансабындағы 1000-шы ойын, сондай-ақ «Ньюкасл» тізгініндегі соңғы матчы болды. Сегіз ойында үш ұпай жинаған бапкерді ешкім жақтыра қоймас. 20 қазан күні Брюстің қызметінен кеткені хабарланды. Құр кетпей, қалтасына келісім-шартта өтемақы ретінде көрсетілген 11 миллион еуроны салып алған екен. Команданың уақытша бапкері болған Грэм Джонс тоғызыншы турда «Кристал Пэласпен» тең ойнап, бір ұпайды қоржынға салды. Бірақ команда 19-орыннан тапжылмады.

БАҚ беттерінде бас бапкер қызметіне үміткерлер ретінде бос жүрген жаттықтырушылардың есімі аталуда. Бірақ Зинедин Зидан, Антонио Конте секілді мамандар бұл ұсыныстан бас тартты. Тіпті жұмысы бар Жозе Моуриньо, Роберто Мартинес, Брендан Роджерс, Стивен Джерард секілді бапкерлерді де ұзын-сонар тізімге қосты. Бірақ соңғы кездері «Романың» экс-бапкері Паулу Фонсеканың есімі жиі аталуда. Белгілі инсайдерлер де «Ньюкаслдың» португалиялық маманмен келіссөздер жүргізгенін хабарлады. Фонсеканың өзі де англиялық клубты жаттықтыруға қарсы емес көрінеді. Сондықтан «сауысқандар» үшін бұл ең тиімді нұсқа болып саналады.

Фонсека

Алдағы трансферлік терезеде қымбат ойыншыларды сатып алу мүмкін емес

«Ньюкасл Юнайтед» қаржылық фейр-плей ережелері бойынша қаңтарда ойыншыларды сатып алуға бөлінген 225 миллион еуроның аз ғана бөлігін жұмсауы мүмкін. The Telegraph басылымы клуб басшылығы қыста 59 миллион еуроға ойыншы сатып алуды жоспарлауда деп хабарлады. Клуб әлі спорттық директор тапқан жоқ, сондықтан «сауысқандар» қыста емес, жазғы трансферлік терезеде белсенді жұмыс істемек.

«Біз трансфер нарығында әлемдік деңгейдегі ойыншылар үшін күресетін боламыз. Алдымызға үлкен мақсаттар қойдық - енді «Ньюкаслда» бәрі өзгереді деп үміттенемін», - деді клубтың жаңа директоры Аманда Стейвели The Sun басылымына берген сұхбатында.

«Ньюкаслдың» алдағы уақытта алуы мүмкін ойыншылар тізімінде Джеймс Тарковский («Бернли»), Джесси Лингард («Манчестер Юнайтед»), Аарон Рэмси («Ювентус»), Филиппе Коутиньо («Барселона»), Жоржиньо Вейналдум (ПСЖ), Рахим Стерлинг («Ман Сити»), Донни ван де Бек, («Манчестер Юнайтед»), Гарет Бэйл («Реал Мадрид»), Усман Дембеле («Барселона») бар.

Дембеле және Коутиньо

Рахим Стерлинг қазірдің өзінде дайындықты бастап кетті: «Егер ойын тәжірибесі үшін басқа командаға ауысу мүмкіндігі болса, мен оны қарастыруға дайынмын. Мен үшін ең бастысы - футбол ойнау. Мен бала кезімнен алдыма мақсат қойдым, армандарым да болды». 26 жастағы Стерлинг осы маусымда Джек Грилиштің келуімен негізгі құрамдағы орнын жоғалтып алды.

Стеилинг

Жаңа қожайындардың командаға келе салып қомақты қаржы жұмсауы қалыпты жағдай екенін айта кеткен жөн. «Челси» мен «Манчестер Ситиде» де солай болған еді. 2003 жылдың жазында Абрамович 13 ойыншыға 111,15 миллион фунт жұмсады. Командаға Креспо, Верон, Дафф, Макелеле, Коул, Муту және басқа да футболшылар қосылды. 2009 жылдың қысында «Ман Сити» көп ақша құрта қоймады. Шейхтер де Йонг, Беллами, Бридж және Гивен үшін 45,9 миллион фунт стерлинг бөлді. Бірақ жазда олар алты ойыншыға 139 миллион фунт жұмсады. Ол кезде команда қатарына Адебайор, Тевес, Лескотт, Санта-Крус, Коло Туре және Барри қосылды

Ньюкасл

Жазда «Ньюкаслдың» жалақы көрсеткіші 12 миллион фунт стерлингке төмендеді, бұл командаға трансферлік нарықта кеңінен қанат жаюға мүмкіндік береді. «Ньюкасл» ойын уақыты жетіспей жүрген футболшылар үшін тамаша команда болмақ. «Сауысқандар» алдағы уақытта дәл осы себеппен бағы жанбай жүрген футболшыларды, сондай-ақ еркін агенттерді командаға шақыратын болады. 

Рейтинг:
0
Комментарии
Нет комментариев. Будьте первым!
Матч-центр
20:30
Футбол
Италия Серия А
Торино
-:-
Эмполи
Торино — Эмполи
22:30
Футбол
Англия Премьер-лига
Тоттенхэм
-:-
Брентфорд
Тоттенхэм — Брентфорд
22:45
Футбол
Италия Серия А
Лацио
-:-
Удинезе
Лацио — Удинезе
23:15
Футбол
Англия Премьер-лига
Манчестер Юнайтед
-:-
Арсенал
Манчестер Юнайтед — Арсенал
20:45
Футбол
Нидерланды Эредивизи
АЗ Алкмаар
-:-
Фортуна Ситтард
АЗ Алкмаар — Фортуна Ситтард
23:00
Футбол
Нидерланды Эредивизи
Аякс
-:-
Виллем II
Аякс — Виллем II
22:00
Футбол
Товарищеские матчи сборных
Саудовская Аравия
-:-
Иордания
Саудовская Аравия — Иордания