Выбор пользователей

Альберт Линдердің өлімі ауыр атлетикадағы талай проблеманың бетін ашты

Ауыр атлет Альберт Линдердің өзін-өзі қол жұмсауы жалпы қоғамда болмаса да, спортшылардың арасында үлкен резонанс тудырды.Осы қайғылы жағдайға байланысты бір топ атлет баспасөз мәжілісін өткізді. Сол жиында айтылған спортшылардың пікірлерінің ең маңыздыларына Meta-ratings.kz тілшісі тоқталуды жөн көрді.

Линдер Альберт

Жасөспірімдер арасында әлем және Азия чемпионы атанған, Универсиада ойындарында топ жарған талантты спортшы Альберт Линдер 17 қыркүйекте көз жұмды. Спортшының бейресми деректерде өз-өзіне қол жұмсалғаны айтылып жатыр. Осыған байланысты Алматы облысының полиция департаменті ауыр атлеттің қазасына байланысты қылмыстық кодекстің 105-бабы (өз-өзіне қол салуға жеткізу) бойынша іс қозғалғанын хабарлады.

Осыдан кейін Альбертпен бірге жастар құрамасында өнер көрсеткен спортшылар – Михаил Макеев пен Фархат Самарханов жеңіп алған медальдерін қоқысқа лақтырды. Олар осы арқылы спорттағы былықтың бетін ашқысы келетінін және төгілген тер мен еңбектің ел үшін емес, жеке тұлғалардың пайдасы мен мүддесі үшін жасалып жатқанын жеткізгісі келетінінін мәлімдеген.

«Альберт Линдер қайтыс болғаннан кейін мен бір нәрсені түсіндім. Жылдар бойы үлкен еңбекпен келген медальдар маған енді қажет емес. Мен өз халқым үшін емес, басқа адамдардың пайдасы үшін жаттығып, жарысқа қатысқанымды біліп осындай қадамға барып отырмын», – деді Михаил Макеев.

Медальді қоқысқа лақтыруға кейіннен Альберттің інісі Семен Линдер де қосылды. Айтпақшы, Семен КТК арнасына берген сұхбатында ағасының өз-өзіне қол жұмсауына ауыр атлетикадан ұлттық құрамадағы аға бапкер Сергей Седовтың қатысы бар деп айыптады.

«Қазақстан  құрмасының жаттығуында жүргенде қалай қиналғанын көрдім. Бес күн бойы нәр татпай жаттығу жасағанына бәрі куә. Оған ешкім көмектескісі келмеді. Қолын сындырып алған кездің өзінде жалғыз өзін үйге жіберген. Осының бәрін жасап отырған адам оның жеке бапкері әрі Қазақстан құрамасының аға бапкері. Ол адам емес. Спортта жүрмеуі керек. Балаларды жаттықтырмауы тиіс», – деп жазды Семен.

Сергей Седов

Ал Сергей Седов Рио Олимпиадасының алдында тапсырған соңғы допинг тесттің оң нәтиже көрсетуі Альбертті қатты күйзеліске түсірді деп айтты.

Ауыр атлетика федерациясы ішкі тексеріс жүргіземіз деп отыр.

Сенбі күні Семен Линдер бір топ ауыр атлетті жинап, Алматыда баспасөз мәжілісін өткізді. Оның арасында 2016 жылғы Рио Олимпиадасының күміс жүлдегері Жазира Жаппарқұл, қолға жүлдегер Карина Горичева және тағы бір ауыр атлет Мария Грабовецкая болды. Басқа қалада тұратын спортшылар Zoom арқылы қосылып, өз ойларын айтып жатты.

Семен Линдер

Семеннің айтуынша, Седов пен ағасының арасындағы кикілжің оқу-жаттығу жиындарында басталған. 2015 жылғы Оңтүстік Кореяда өткен Универсиаданың қарсаңында сол кездегі ауыр атлетикадан ұлттық құраманың бас бапкері Алексей Ни: «Альберт, келесі жылы Рио Олимпиадасына барасың, біз сені таңдадық» деген. Сосын өз талаптарын айтқан. Бірақ оның күмәнді талаптарына Линдер келіспеген. Олай істей алмаймын депті. Семен ағасының адал азамат болғанын еске алып өтті.

«Универсиадан кейін Альберт оқу-жаттығу жиындарына келді. Ол Олимпиада қарсаңында Ташкенттегі Азия чемпионатына бару керек. Сол кезде допингке байланысты сынама тапсыртады. Тексеріс кезінде ағамнан тыйым салынған бірдеңе табады. Негізі ол барлық жарыстарда таза болған. Мен 100 пайыз оның допинг қолданбағына сенімдімін. Альбертті ығыстыру керек болды», – дейді Семен.

Кіші Линдердің айтуынша, осыдан кейін Сергей Седов психологиялықт тұрғыдан ағасын сындыруға тырысқан. Үнемі талаптарды күшейтіп отырған. Бұған шыдамған Альберт протест ретінде 5-6 күнге дейін тамақ ішпей жүрген. Ал Седов жаттығуды күшейте берген.

«Бізге ол қинамайтын. Альбертке әдейі солай істеді. Оны сындырғысы келді. Өйткені ағам оның күмәнді істеріне араласпауға тырысты. Седов егер айтқанымен жүрмесе, жолын жабатынын айтқан. Осыдан соң, ағам депрессияға түсті», –  дейді Семен Линдер.

Семен

Бапкер тек психологиялық-физикалық қысыммен шектелмеген. Сонымен қатар спортшылардың ақшасын да өз қалтасына баса берген.  Ауыр атлеттердің айтуынша, Седов қол астындағылардың банк картасын бермей, өзі ұстаған. Айлықтарын иемденіп, ол ақшаны витаминге жұмсаймын деп айтатын көрінеді.

2015 жылы Азия чемпионы атанған Мария Грабовецкая спортшылардың бапкерлерінің алдында осыншалықты дәрменсіз болуының өз себебі бар көрінеді.

«Ауыр атлетикаға көбінесе толық емес отбасының балалары барады. Әсіресе, балалар үйінің тәрбиеленушілері жетіп артылады. Олар спорт арқылы жетістікке жетіп, өздерін асырағысы келеді. Ауыр атлетикада «мажорлар» жоқ. Барлығы қарапайым, қиын тағдырлы балалар. Сондықтан олар аяққа тұрып, отбасыларын асырағысы келеді. Оларды кейбір бапкерлер кейіннен пайдаланатыны өкінішті. Мұндайға жол беріп отырған федерациядағы басшылар. Барлығы солардың кінәсі», – дейді Мария Грабовецкая.

яираМ

2011 жылғы Азия чемпионы  Мадина Астамирова-Ташкенбаева ауыр атлетикадан ұлттық құрамадағы бапкерлер спортты бизнеске айналдырып алған деп айтты. Яғни сырттан легионерлер әкеліп, сол арқылы өз істерін дөңгелетіп отыр екен. Олар Токиоға қыздардан Зульфия Чиншанло баратынын әу баста білген. Сондықтан басқалары тіпті тырыспаған көрінеді.

Спортшылар баспасөз мәжілісінің соңында Қазақстан Президенті Қасым-Жомарт Тоқаев, Ұлттық Олимпиада комитетінің басшысы Тимур Құлыбаевқа және мәдениет және спорт министрі Ақтоты Райымқұлова үндеу жолдады. Олар осы жағдайдың анық-қанығын анықтап, елдегі ауыр атлетикадағы мәселені шешіп сұрады. Сосын бас бапкерді ашық дауыспен таңдау керек деп мәлімдеді.

Бек Төлеуов

Комментарии
Нет комментариев. Будьте первым!
Матч-центр
Live
Футбол
Турция Суперлига
Антальяспор
0:0
Галатасарай
Антальяспор — Галатасарай
Live
Футбол
Турция Суперлига
Газиантеп
0:0
Ризерспор
Газиантеп — Ризерспор
Live
Футбол
Беларусь Премьер-лига
Arsenal Dzerzhinsk
0:1
Энергетик-БГУ
Arsenal Dzerzhinsk — Энергетик-БГУ
22:00
Футбол
Испания Примера
Реал Мадрид
-:-
Бетис
Реал Мадрид — Бетис
22:00
Футбол
Испания Примера
Райо Вальекано
-:-
Леванте
Райо Вальекано — Леванте
21:45
Футбол
Италия Серия А
Торино
-:-
Рома
Торино — Рома