Бельгияның екінші дәрежелі 1В Про лигасының 21-турында «Моленбек» сырт алаңда «Васланд-Бевереннен» жеңіліп қалды.
Беверенде өткен ойын 1:0 есебімен алаң иелерінің пайдасына шешілді.
«Моленбек» сапында өнер көрсететін Қазақстан ұлттық құрамасының қорғаушысы Ян Вороговский ойынды негізгі құрамда бастап, 4 минутта сары қағаз алып, толық матч өткізді.
Осы жеңіліске қарамастан, «Моленбек» 35 ұпаймен екінші орнын сақтап қалды. Ал «Васланд» 33 ұпаймен үшінші сатыда келеді.