Қазақстан Премьер Лигасының мықты клубтарының бірі «Тобыл» екінші оқу-жаттығу жиындарына аттанғалы отыр. Бұл туралы клубтың баспасөз қызметі хабарлады.
Қостанайлықтар алдымен Алматыға ұшып барып, ары қарай Стамбул қаласына бағыт алады. «Сары-жасылдар» түріктер астанасынан өздерінің ОЖЖ өтетін Анталья қаласына барады. Сәрсенбі күні команда толықтай қонақ үйге орналасады деп жоспарлануда.
Биылғы маусым алдындағы екінші оқу-жаттығу жиынында жаттықтырушылар штабы бақылау матчтарын өткізіп, клубқа жаңадан келген ойыншыларды қарайды.
Қазақстан біріншілігінің күміс жүлдегерлері Түркиядағы дайындықтары 10 ақпанда басталып, 24 ақпанда аяқталады.