Қазақстан құрамасының қорғаушысы Нұрлан Дайыров «Таразға» ауысты. Бұл туралы жамбылдық клубтың баспасөз қызметі хабарлады.
Нұрлан жамбылдық футбол мектебінің түлегі болып табылады. Ол өзінің кәсіби мансабын 2011 жылы алматылық «Қайрат» сапында бастаған. 2012-2016 жылдар аралығында «Қайраттың» әр түрлі жастағы командаларда ойнады. Ал 2017 жылы «Оқжетпес» клубы жалға алды. Соңғы маусымда «Қызыл-Жар СК» командасында жүріп, 21 кездесуге қатысты.