«Тараз» футбол клубы грузиялық орталық қорғаушы Лука Гадранимен толықты, деп хабарлайды команданың баспасөз қызметі.
Гадрани кәсіби мансабын грузиялық «Цхинвал» командасында бастады. 2018-2019 жылғы маусымда «Рустави» сапында ойнады. 2019 жылы ирандық «Шахин Бушер» клубына ауысты. Ал 2020 жылы латвиялық «Валмиерас» сапында Латвия жоғары лигасында өнер көрсетті.
Грузия жастар құрамасының сапында бір ойынға қатысқан.
Transfermarkt порталының дерегі бойынша, қос тарап 2022 жылдың соңына дейін жарамды келісімшартқа қол қойған.