26 жасар белорусьтік қорғаушы Павел Назаренко «Шахтёр» құрамында өнер көрсетуін жалғастырады, деп хабарлайды команданың баспасөз қызметі.
Назаренко «кеншілердің» қатарына өткен жылдың шілде айында оралдық «Ақжайықтан» ауысып келді. «Шахтер» сапында барлық турнирлерде 11 ойын өткізіп, бір гол соғып, бір нәтижелі пас берді.
Ал «Ақжайық» жейдесінде 13 рет жасыл алаңға шығып, бір мәрте мергендігімен көзге түсіп, бір голдық пастың авторы атанды.
Transfermarkt порталының дерегі бойынша, Назаренко мен «Шахтер» 2022 жылдың соңына дейін жарамды келісімшартқа қол қойды.