Құрамында қазақстандық қорғаушы Тимур Рудосельский өнер көрсететін «Нораванк» өз алаңында Армения премьер-лигасының 20-шы турындағы ойында «Пюниктен» 1:2 есебімен жеңіліп қалды.
«Нораванк» (Вайк, Армения) - «Пюник» (Ереван, Армения) - 1:2
Голдар: Евгений Кобзарь 62 (пенальти) - Хуго Фирмино 33, 89
27 жастағы қазақстандық қорғаушы Тимур Рудосельский «Нораванктың» негізгі құрамына енді. Ол команданы капитан ретінде бастап шығарып, толық матч өткізді. Еске салайық, Рудосельский биылғы жылдың 19 ақпанынан бері «Нораванк» сапында өнер көрсетіп келеді.
Осылайша, 18 ойыннан кейін оның командасы Армения чемпионатының турнирлік кестесінде соңғы 8-ші орында келеді.