KazFootball.kz сайтына белгілі болғандай, 21 жастағы қазақстандық қақпашы Қажымұқан Төлепберген «Ордабасыға» қайта оралды.
Өткен маусымда Қажымұқан «Мақтаарал» клубында жалдау шарты бойынша өнер көрсетті. Маусым соңында ол ҚКФЛ нұсқасы бойынша Бірінші лиганың символикалық құрамына енді.
Жас қақпашы «Мақтаарал» сапында 22 кездесу өткізіп (20-сы Бірінші лигада, 2-і Қазақстан кубогінде), 14 гол жіберіп алды. Және Бірінші лиганың 11 матчында қақпасын голдан аман сақтады (чемпионаттағы ең жақсы көрсеткіш).
Қазір Төлепберген «Ордабасы» клубының жаттығу жиынана қатысуда.