Асхат Әлжақсин «Оқжетпес» шағын футбол клубының бас бапкері болып тағайындалды, деп хабарлайды команданың баспасөз қызметі.
Асхат Сембекұлы осыған дейін 2019 және 2020 жылғы маусымда «Оқжетпес» МФК бас бапкері қызметін атқарған еді. 38 жастағы қазақстандық маман Семей футболының түлегі.
Футзалдан «Цементник» (Семей), «Аят» (Рудный), «Ушкин-Искра» (Астана), «БТА Футзал» (Алматы), «ӨзенМұнайГаз» (Жаңаөзен) және «Ақтөбе» сияқты командалардың сапында доп тепті. Қазақстан чемпионатының төрт дүркін қола жүлдегері.
ЦСКА ШФК бас бапкері қызметін атқарды. «Оқжетпес» футзал командасына оралмас бұрын «Нұр-Сұлтан» ШФК бас бапкері болды.