Қазақстандық, әлемнің 159-ракеткасы Михаил Кукушкин Майами мастерс турнирінің іріктеу сайысын сәтті бастады.
Кукушкин іріктеу сайыстарының жартылай финалында әлемнің 117-ракеткасы, молдовалық Раду Алботпен кездесті.
Қазақстандық теннисші екі сағат жарымға жуық уақытқа созылған матчта 4:6, 7:6 (9:7), 6:2 есебімен жеңіске жетті.
Тартысты бәсеке барысында Кукушкин 5 эйс жасап, 5 брейк-пойнттың үшеуін пайдаланды. Қарсыласы 7 эйс, 2 брейкпен (7 брейк-пойнт) көзге түсті.
Кукушкин іріктеу сайыстарының финалында әлемнің 88-ракеткасы, даниялық Хольгер Руне немесе әлемдік рейтингіде 372-орындағы жапониялық Шинтаро Мочизукидің біреуімен шеберлік байқасады. Келесі қарсыласын ұтса, қазақстандық теннисші 23 наурыз – 3 сәуір аралығында өтетін негізгі турнирге жолдама алады.