Қазақстандық теннисші Михаил Кукушкин (180) Францияда өтіп жатқан Open Sud De France Montpellier ATP 250 турнирінің іріктеу кезеңін жеңіспен бастады.
Кукушкин 1 сағат 8 минутқа жалғасқан кездесуде екі эйс жасап, бір мәрте қос қателікке жол беріп, мүмкін болған он брейкпойнттың төртеуін іске асырып, чехиялық Иржи Лехечканы (142) тізе бүктірді.
Михаил Кукушкин (Қазақстан) — Иржи Лехечка (Чехия) — 2:0 (6:2, 6:3)
Кукушкин іріктеу кезеңінің финалында франциялық Пьер-Юг Эрбермен (112) кездеседі.