«Қайраттан» кеткен Қазақстан құрамасының қорғаушы Ғафуржан Сүйімбаев алматылық клубтың ресми сайтына берген сұхбатында жанкүйерлермен қоштасты.
«Құрметті «Қайрат» ФК әкімшілігі, техникалық қызметкерлері, медициналық және жаттықтырушылар құрамы! Сіздердің жасаған жұмыстарыңыз үшін алғысымды білдіргім келеді. Ұзақ жылдар бойы олардың клубқа, ойыншыларға деген адалдығына көз жеткіздім. Қиын кезде де қолдау көрсеткен жанкүйерлерге рахмет.
Мен «Қайрат» тарихының бір бөлігі болғанымды мақтан тұтамын.
Маған сенім артқан Қайрат Советайұлына ерекше алғыс айтамын», - деді Ғафуржан.
Ғафуржан Сүйімбаев «Қайратқа» 2016 жылдың шілде айында келіп, содан бері 149 матч өткізді, 12 гол соғып, 24 нәтижелі пас берді.