«Астана» қақпашысы Марко Милошевич Қазақстан Премьер-лигасының бесінші турында «Таразбен» болған ойынға қатысты пікірін білдірді.
– «Тараз» – кез келген команда үшін қиынға соғатын, ұйымшыл қарсылас. Біз ойын сайын даму үстіндеміз, бұл кездесуде біз ойынды толықтай бақылауымызға алдық. Осы матчты маусымдағы үздік ойындарымыздың бірі деп айта аламын.
– Команда чемпионат басындағы сүреңсіз ойындардан кейін қатарынан үшінші матчта жеңіске жетті. Қазір ойыншылар бапкердің олардан не күтетінін түсінген секілді ме?
– Өздеріңіз көріп жүргендей, біз ойыннан ойынға күшейіп келеміз, бапкердің қойған талаптарын толығымен орындауға тырысамыз, әр матчта басым болу үшін барымызды саламыз. Команда біртіндеп қарқын алып келеді, жеңістен жеңіске жетіп, мақсатымызға қадам басудамыз.