Гвинея құрамасы Африка ұлттар кубогінің 1/8 финалында Гамбиядан 0:1 есебімен ұтылды.
Гвинея – Гамбия – 0:1
Гол: Муса Барроу 71
«Қайраттың» 31 жастағы шабуылшысы Хосе Канте Гвинея құрамасының негізгі құрамында шығып, матч бойы өнер көрсетті. SofaScore нұсқасы бойынша шабуылшы 7,5 ұпай жинап, осы ойында өз командасының екінші үздік ойыншысы атанды.
Осылайша Гамбия 1/4 финалға жолдама алса, Гвинея құрамасы турнирдегі жорығын аяқтады. Жақын арада Хосе Канте Қазақстанға оралып, «Қайраттың» оқу-жаттығу жиынына қатысуы керек.