Ақтаулық «Каспий» футбол клубы үш жаңа ойыншымен толықты, деп хабарлайды команданың баспасөз қызметі.
«Каспий» Виктор Дмитренко, Рати Ардазишвили және Арман Нүсіпті қатарға қосты.
30 жастағы қорғаушы Виктор Дмитренко 2012 жылы «Астанамен» келісімшартқа қол қойды және легионер болып есептелмеу үшін бірден қазақстандық паспортты алып, Қазақстан ұлттық құрамасы сапында 18 ойын өткізіп, бір гол соқты. Сондай-ақ қорғаушы «Ақтөбе», «Тобыл», «Атырау», «Шахтер» және «Ордабасы» командаларының намысын қорғады.
24 жастағы Рати Ардазишвили осыған дейін украиналық «Рух» және грузиялыш «Чухура» клубтарында өнер көрсеткен. Ойыншының соңғы клубы грузиялық «Телави» болды, ол үшін 24 матч өткізіп, бір гол соғып, бір нәтижелі пас берді.
Арман Нүсіп 2021 жылдың шілде-желтоқсан айлары аралығында «Таразда» жалда ойнады. Жамбылдық клуб жейдесінде барлығы 11 матч өткізіп, бір гол соғып, бір ассист авторы атанды.