Футзалдан Қазақстан құрамасының бас бапкері Рикардо Кака Гронингенге ұшып келіп, кешкі жаттығуды жүргізді, деп хабарлайды ҚФФ баспасөз қызметі.
Жаттығуға Словенияға қарсы өткен кездесуде аз ойнаған ойыншылар қатысты. Сонымен қатар команданың қатарын Арнольд Кнауб пен Ерсұлтан Сағындықов толықтырды.
Естеріңізге сала кетсек, Қазақстан Еуропа чемпионатының алғашқы матчында Словениямен тең (4:4) түскен еді. Отандастарымыз келесі кездесуін 24 қаңтар күні Финляндияға қарсы өткізеді.