GGG Promotions компаниясының басқарушы директоры Том Леффлер орта салмақтағы IBF және IBO нұсқаларындағы әлем чемпионы Геннадий Головкиннің келесі жекпе-жегін қай уақытта өткізетіні туралы айтты, деп хабарлайды sports.kz.
«Бұрын жеңіліп көрмеген польшалық Камил Шереметаға қарсы GGG тамаша өнер көрсетті. Физикалық тұрғыдан да керемет көрінді. Сәуірде ол 39-ға толады, бірақ өзіне жақсы қарауының арқасында 29 жастағы жігітке ұқсайды. Алда оны бірнеше жекпе-жек күтіп тұр. Ол маусым айына қарай оралуды жоспарлап отыр деп ойлаймын», - деді Леффлер ESNews-ке берген сұхбатында.
Естеріңізге сала кетсек, Головкин соңғы кездесуін өткен жылдың 18 желтоқсанында АҚШ-та өткізіп, Камил Шереметаны (21-1, 5 КО) техникалық нокаутпен жеңген еді.