Футзалдан Еуропа чемпионатының ширек финалдық кездесуінде Испания мен Словакия құрамалары өзара мықтыны анықтады.
Оныншы минуттың өзінде Испания Мелльядо мен Серхио Лозаноның голдарының арқасында алға шықты. Ал үзіліске дейін Рауль Кампос көзге түсіп, есепті 3:0-ге жеткізді. Екінші таймның басында Мартин Смержичка алаңнан қуылып, Мельядо дубль авторы атанды, тек осыдан кейін ғана Петр Сербин Словакияның жұбаныш голын соқты, бірақ Кампос бұл голға жауап қатты. Нәтижесінде, ойын 5:1 есебімен аяқталды.
Осылайша, Испания турнирдің жартылай финалына шыққан соңғы команда ретінде тіркелді, бұған дейін Португалия, Украина және Ресей бұл жолдамаға иелік еткен болатын.
1/2 финалда Украина Ресеймен, ал Испания Португалиямен күш сынасады. Матчтар 4 ақпанда өтеді.