Қазақстан ұлттық құрамасы 2021 жылдағы әлемнің үздік футзал командасы атағына үміткер атанды, деп хабарлайды Futsalplanet.com.
Бұл номинацияға үміткерлер қатарында Аргентина, Босния және Герцеговина, Иран, Жапония, Марокко, Португалия, Словакия, Өзбекстан һәм Венесуэла бар.
Естеріңізге сала кетейік, қазақстандық команда 19 қаңтар мен 6 ақпан аралығында Нидерландта өтетін 2022 жылғы Еуропа чемпионатында өнер көрсетеді. Құрамамыз топтық кезеңде Словения, Финляндия және Италиямен күш сынасады.