Ослода Дэвис кубогы іріктеу кезеңі аясында басталған Норвегия – Қазақстан матчында алғашқы болып Каспер Рууд пен Михаил Кукушкин шеберлік байқасты.
Каспер Рууд Норвегияның бірінші, әлемнің 8-ракеткасы болса, М.Кукушкин дүниежүзілік рейтингте 160-сатыда тұр.
Бірінші партия барысында екі рет брейк жасаған норвегиялық теннисші айқын басымдылық танытты – 6:1. Тартысты өрбіген екінші сетте есеп 3:3 болған мезетте Рууд брейк жасап кетті. Ақыры матчқа доп бергенде, өз мүмкіндігін пайдалана білді – 6:4.
Осылайша Рууд Норвегия құрамасын алға шығарды. Есеп – 1:0.