Қазақстандық теннисші Денис Евсеев (403) Италияда өтіп жатқан Citta’ Di’ Forli 1 ATP Challenger турнирі іріктеу кезеңінің финалына шықты.
Евсеев 1 сағат 26 минутқа жалғасқан кездесуде бір эйс жасап, бір мәрте қос қателікке жол беріп, мүмкін болған сегіз брейкпойнттың үшеуін іске асырып, іріктеу кезеңінің алғашқы раундынан сүрінбей өтті.
Мое Эчарги (Тунис) — Денис Евсеев (Қазақстан) — 0:2 (5:7, 1:6)
Денис Евсеев турнирдің негізгі бөлігіне жолдама алу үшін германиялық Эльмар Эюповичпен (397) күш сынасады. Аталған турнирдің жалпы жүлде қоры 32 160 еуро екенін де айта кеткен жөн.