«Астана» клубының бас директоры Тастанбек Есентаев YouTube-тағы Yessen Yeleuken арнасына сұқбат беріп, клубтан кетуі мүмкін ойыншылардың есімін атады.
«Қазір командада бес легионер бар. Олар біздің көңілімізден шықпауда. Біз жаңа бапкермен және басқа да мамандармен ақылдастық. Ыңғайы келсе, олармен қоштасатын боламыз. Олардың орнына аз жалақы алатын және болашағынан зор үміт күттіретін ойыншыларды қарастырамыз. Атап айтсам, Битри, Бечирай, Чуперка секілді ойыншылар клубтан кетеді. Чуперкамен келісімшартты бұзу туралы мәмілеге келдік. Семир Смайлагич дейтін де легионер бар. Оның да деңгейі алатын ақшасына сай келмейді. Ол жалақымды азайтамын десе де, жаңа жаттықтырушы оған сенім артпайды. Сондықтан оларға қатысты жұмыстар жасалынып жатыр. Не болатынын көре жатармыз», — деді Есентаев мырза.