Қазақстандық теннисші Александр Бублик (35) Францияда өтіп жатқан Open Sud De France Montpellier ATP 250 турнирінің 1/8 финалынан сүрінбей өтті.
Бублик 1 сағат 58 минутқа жалғасқан кездесуде 11 эйс жасап, бес мәрте қос қателікке жол беріп, мүмкін болған 14 брейкпойнттың алтауын іске асырып, франциялық Пьер-Юг Эрберді (113) тізе бүктірді.
Александр Бублик (Қазақстан) — Пьер-Юг Эрбер (Франция) — 2:1 (6:3, 6:7 (2:7), 6:2)
Естеріңізге сала кетсек, дәл осы Эрбер қазақстандық Михаил Кукушкинді аталған турнир іріктеу кезеңінің финалында жеңген еді.
Бублик ширек финалда испаниялық Роберто Баутиста-Агутпен (19) күш сынасады.