Футзалдан Бразилия құрамасының жаттықтырушылар штабы «Қайрат» ойыншысы Ранжелді Америка кубогіне қатысатын құрамынан алып тастады, деп хабарлайды Meta-ratings.kz тілшісі.
Бразилия футбол конфедерациясының мәліметі бойынша, ойыншы коронавирусқа қарсы толық вакцина салдырмаған, соның салдарынан турнирге қатысуға рұқсат етілмеді. «Бенфика» ойыншысы Артур да осындай дағдайға тап болды. Олардың орнына Лео Гужиэл («Тюмень») пен Жоао Виктор («Коринтианс») ұлттық құрамаға шақырту алды.
2022 жылғы футзалдан Америка кубогі 29 қаңтар мен 6 ақпан аралығында Асунсьонда (Парагвай) өтеді. Қазіргі чемпион атанған Бразилия құрамасы Уругвай, Колумбия, Эквадор және Чили құрамаларымен бір топта өнер көрсетеді.